搬屋無煩惱！聘用搬運服務小貼士

搬喺搬屋之前準備功夫

除咗預備最基本嘅紙箱、封箱膠紙、紅白藍膠袋等，你仲需要準備泡泡紙同發泡膠，用來包裝易碎嘅傢品。直接向搬運公司購買包裝會較貴，你可以嘗試去附近嘅便利店、果欄、電器舖收集紙箱。另外，你亦可以用 MyMoving.com.hk 以超低價搵到包裝材料，有用戶甚至會免費贈送！完成包裝後，列出一張物品清單記低每個紙箱嘅物品。你可以畫上記號或用顏色分類，方便辨認。

準備一個行李箱，收拾好你過夜必需用到嘅物品，例如衣服、內衣褲、旅行裝沐浴用品、叉電器等。搬完屋到達新居後，你就可以直接從行李箱拎出當晚需要用到嘅用品，唔駛逐個紙箱拆開搵。有咗呢個行李箱，你就可以勞碌一日後盡快好好休息。

為咗避免寵物四圍走動或者沾上灰塵和污垢，你可以將寵物交給朋友或家人照顧。如果你唔想麻煩屋企人同朋友，可以選擇專業嘅寵物保姆或寄宿服務。等到新居一切都安頓好，先將寵物帶返屋企。

搬入新屋前，一定要進行徹底清潔，方便到達後可以直接開包裝箱同存放物品。尤其係啱啱裝修完嘅新屋，記得要做深度清潔及除甲醛服務，咁先可以放心又舒適地享受新居。至於舊單位，唔好忘記要安排清潔人員幫忙打掃。如果你對家庭清潔服務一無所知，可以去睇我哋嘅清潔服務指南了解更多。

揀選搬運服務Tips

如果你要搬運易碎或貴重嘅傢俬，記得預先諮詢及通知搬運公司。因為呢類家具較難搬運，往往需要特殊嘅設備同包裝，所以會有額外收費。至於體積較細嘅貴重物品，最好可以由自己親自運送。雖然大多數搬家公司會提供保險，但如果您嘅貴重物品不幸受損，賠償金額未必足以彌補損失。

整理舊屋雜物時，你可以幻想每件家具係咪適合新居，將會擺放係邊個位置等。呢個思考過程可以幫你整理出真正需要嘅物品，節省運輸成本，唔要嘅舊家品可以捐贈出去，甚至用MyMoving.com.hk 賣出賺錢！另外，記得量度家具尺寸，確保大型家品入到電梯。如果要搬上樓梯，搬運公司可能會加收額外費用。

唔少屋苑規定搬運工人只可以特定時間工作，而且搬運時大堂必須舖上地墊，防止刮花地板。因此，記得確保搬運公司已經通知你住所嘅物業管理處，並且獲得批准，令當日搬屋過程更順利流暢。

搬屋當日會涉及大量舊家具、新家具同其他物品，情況可能非常混亂。所以，記得預先搵定朋友同屋企人幫手！你亦需要預早計劃搬運家具嘅流程及次序，安排邊位家人駐守新屋等，預先為大日子做好準備。

搬運服務參考價錢

搬運服務大概費用市面上有唔同搬運公司，收費差異較大，受到多種因素影響價錢，例如搬運物件、所需人力、搬運次數、單位位置、大型或易碎家具、包裝、臨時存儲、搬屋日期和時間等。一般而言，你可以按住宅尺寸大小粗略估計你嘅搬屋費用。

如果想獲得更準確嘅報價，查詢價錢時向搬運公司提供越多資訊越好，例如易碎物品嘅數量、是否需要拆卸嘅大型家具，因為咁可能會產生額外服務費用！協商好之後，記得以書面列明最終報價包含嘅服務，避免搬運當日出現任何唔愉快嘅意外。